راولپنڈی(سٹاف رپورٹر)سرپرست انجمن رسول عربی ؐ غلام علی خان نے کہا ہے کہ ہم سب کے آقا و مولا نبی آخرالزماںؐ، سرار انبیاؐ کی ولادت پر خوشی منانا ہمارے ایمان کی بنیاد ہے، کیونکہ اسی خوشی اور نعمت عظمی کے باعث سب کچھ ملا ہے،انہوں نے کہا کہ عید میلاد النبیؐ  کے موقع پر سہولت دینے کی بجائے جشن چراغاں کے بڑے بڑے بجلی کے بل بناکر عید میلادالنبیؐ کی راہ میں رکاوٹیں ڈالی جا رہی ہیں، جلوس والے دن حکومت پنجاب کی جانب سے شربت کی سبیلیں لگانے کی بجائے بجلی کے خوفناک بلوں سے چراغاں کرنے والوں کو نجات دلائی جائے،وہ گزشتہ روز انجمن رسول عربیؐ کے عہدیداران راجہ سلیم، شیخ نور عالم، ماجد عزیز سے گفتگو کر رہے تھے،انہوں نے کہا کہ عید میلاد النبیؐ کے موقع پر جشن چراغاں کر نے والوں کے لئے آسانی پیدا کی جائے۔