ڈھوک ٹاہلی میں نامعلوم مسلح افراد نے دکاندار کو فائرنگ کرکے قتل کردیا

اسلام آباد (اپنے سٹاف رپورٹر سے)تھانہ سیکرٹریٹ کے علاقے ڈھوک ٹاہلی میں نامعلوم مسلح افراد نے دکاندار کو فائرنگ کرکے قتل کردیا اور فرار ہوگئے پولیس کو محمد اعزاز نے بتایا کہ میرے ماموں معروف اپنی کریانہ کی دکان میں موجود تھے نامعلوم افراد نے فائرنگ کرکے انہیں قتل کردیا اور فرار ہوگئے پولیس جائے وقوعہ پر پہنچ گئی اور نعش ہسپتال منتقل کر دی پولیس نے مقدمہ درج کر کے تفتیش شروع کر دی ہے.