بھارتی ریاست گجرات میں پُراسرار بخار سے 16 افراد زندگی کی بازی ہار گئے۔
بین الاقوامی خبر رساں ادارے کی رپورٹ کے مطابق احمد آباد سے بھارتی حکام نے اس حوالے سے بتایا کہ ہلاک ہونے والوں میں 5 سال سے 50 سال تک کے افراد شامل ہیں۔
حکام نے بتایا کہ بخار کی وجوہات اور اس کے پھیلاؤ سے متعلق تحقیقات کی جارہی ہیں،بارشوں کے بعد دیگر بیماریوں کے ساتھ پُراسرار بخار 7 گاؤں میں پھیل چکا ہے۔
بھارتی میڈیا کے مطابق پر اسرار بخار کے کیسز ضلع کچھ کے لکھ پت تعلقہ میں ستمبر کے پہلے ہفتے میں رپورٹ ہوئے تھے۔