حیدرآباد دکن کے تاج کرشنا ہوٹل میں ہونے والی تقریب میں سکیورٹی کے سخت حفاظتی انتظامات کئے گئے ہیں۔ پاکستانی مہمانوں میں دولہا کے خاندادن کے افراد کے علاوہ وفاقی وزیر بہبود آبادی فردوس عاشق اعوان، وارث بیگ اور کرکٹر سہیل تنویر شامل ہیں۔ ڈاکٹر فردوس عاش اعوان نے صدر، وزیراعظم اور دیگر ارکان پارلیمنٹ کی جانب سے بھیجے گئے تحائف دولہا اور دلہن کو دیئے اور دلہن ثانیہ مرزا کو سونے کا تاج بھی پہنایا۔ تقریب کے دوران ثانیہ مرزا نے گولڈن شلوار قمیض اور شعیب ملک نے کریم کلر کی شیروانی زیب تن کر رکھی ہے۔ استقبالیے میں مہمانوں کی تئیس کھانوں سے تواضع کی جائے گی۔ اطلاعات کے مطابق شعیب اورثانیہ نے آج خواجہ معین الدین چشتی کے مزار پر حاضری بھی دی۔