لاہور( خصوصی نامہ نگار )نائب امیر جماعت اسلامی اور مجلس قائمہ سیاسی قومی امور کے صدر لیاقت بلوچ نے سابق وزیراعظم شاہد خاقان عباسی سے ملاقات کی ،جس میں ملکی حالات،اقتصادی بحران،حکومتی کارکردگی اور اپوزیشن کے کردار پر تبادلہ خیال ہوا۔ لیاقت بلوچ نے جہلم میں سابق ممبر قومی اسمبلی راجہ محمد افضل خان اور مری گھوڑا گلی میں سابق صوبائی وزیر راجہ اشفاق سرور کے انتقال پر بھی تعزیت کی۔لیاقت بلوچ نے صحافیوں سے گفتگو کرتے ہوئے کہاکہ عمران خان نے اپنی سیاسی کامیابیوں کو ناکامیوں اور مایوسیوں میں بدل دیا۔