لاہور ، فیروزوالا (وقائع نگار، نامہ نگار )جی ٹی روڈ کی آبادی کالا شاہ کاکو  کے قریب موٹر سائیکل سوار ڈاکوؤں نے ڈکیتی کی واردات کے دوران مزاحمت  پرکارپر  فائرنگ کردی جس کے نتیجے میں کار سوار خاتون ہلاک اس کا شوہر شدید زخمی ہو گیا  جبکہ گجر پورہ میں رنگ روڈ پر ناکہ لگا کر کھڑے ڈاکوئوں نے ایک سب انسپکٹر‘ ایک اے ایس آئی‘ تین اہلکاروں سے موبائل نقدی لوٹ کر انہیں تشدد نشانہ بنا ڈالا۔ جبکہ دیگر وارداتوں میںشہری لاکھوں روپے مالیت کی نقدی اور قیمتی سامان سے محروم کردیئے گئے۔  ذرائع کے مطابق ڈیفنس سی میں تعینات سب انسپکٹر امجد جاوید، اے ایس آئی لیاقت اور کانسٹیبل اشرف ڈیوٹی سے فارغ ہو کر رکشہ پر سوار تھانے جارہے تھے کہ رنگ روڈ پر نقاب پوش ایک درجن سے زائد ڈاکو ناکہ لگا کر کھڑے تھے جنہوں نے تینوں پولیس اہلکاروں سے 35ہزار نقدی اور تین موبائلز فون چھین کر مزاحمت پر انہیں تشدد کا نشانہ بنا ڈالا۔ جبکہ دیگر وارداتوں میں نولکھا رحمن گلی میں ملک حبیب  سے دو ڈاکوئوں نے دو لاکھ 21ہزار اور گلبرگ قذافی سٹیڈیم کے سامنے دو ڈاکوؤں نے ابوبکر، مبارک اور یوسف سے دس ہزار کی نقدی اور تین موبائلز چھین لئے۔ لوئر مال الحبیب پارک میں امجد سے 50ہزار اور کاہنہ میں روڈ پر کلیم سے 26ہزار نقدی اور موبائل چھین لیا گیا جبکہ راوی روڈ میں لطیف، شادباغ میں عرفان، اسلام پورہ میں بشیر، فیکٹری ایریا میں سرفراز، مسلم ٹائون میں عمران، اقبال ٹائون میں خالد، گلشن اقبال میں شہزاد، شیراکوٹ میں شہزاد، فیصل ٹائون میں وسیم، گلبرگ میں خالق، نصیر آباد میں اشفاق، غالب مارکیٹ میں غلام حسین، قلعہ گجر سنگھ میں برکت، پرانی انارکلی میں امتیاز، لٹن روڈ میں عثمان، شالیمار میں زوہیب، شالیمار میں فیصل، گڑھی شاہو میں آصف، مغل پو رہ میں عمران، نواب ٹائون میں صفدر، جوہر ٹائون میں ولید، ٹائون شپ میں ریحان، ستوکتلہ میں ارسلان کی موٹرسائیکلیں چوری کرلیں گئیں۔علاوہ ازیں جی ٹی روڈ کی آبادی کالا شاہ کاکو  کے قریب موٹر سائیکل سوار ڈاکوؤں نے ڈکیتی کی واردات کے دوران مزاحمت  پرکار فائرنگ کردی جس کے نتیجے میں کار سوار خاتون ہلاک اس کا شوہر شدید زخمی ہو گیا ۔ ڈاکو لوٹ مار کرنے کے بعد فرار ہو گئے۔ گجرانوالہ کا ثاقب بیوی نوشین کے ہمراہ کار میں لاہور سے گجرانوالہ جارہے تھے راوی ریان کالا شاہ کاکو قریب موٹر سائیکل سوار ڈاکوؤں نے روک کر لوٹ لیا ،مزاحمت کرنے پر ڈاکوؤں نے کار پر فائرنگ کردی جس کے نتیجے میں کار سوار ثاقب کی بیوی نوشین ہلاک اور ثاقبر شدید زخمی ہوگیا۔پولیس نے نامعلوم افراد کے خلاف مقدمہ درج کرلیا۔ علاوہ ازین جی ٹی روڈ کی آبادی کوڑی کے قریب ڈاکوؤں نے موٹر سائیکل سوار  میاں بیوی کو  لوٹ لیا ڈاکو فرار ہو گئے ۔