بستی اسلام آباد(نمائندہ نوائے وقت)رمضان بازار قادرپورراں میں جی ٹی روڈ پر رسیوں کیساتھ بندھے ٹینٹ سے مین روڈبالکل سکڑگیا،گھنٹوں تک ٹریفک جام رہنے لگی،مین روڈکے درمیان تک رسیوں سے بندھے لوہے کی سلاخیں لگانے سے اکثراوقات متعدد موٹرسائیکل سوار لوہے کی سلاخوں کے باعث بچے خواتین،بوڑھے گر کرشدید زخمی ہوگئے خاص طور پر رمضان بازار میں آٹے سے لوڈ ٹریکٹر ٹرالی میں روڈ پر کھڑی ہونے سے مکمل طور پرمین جی ٹی روڈ بند ہونے شہریوں کا گزرنا محال شدیدمشکلات کا سامناہے۔شہریوں جن میں توفیق، عمیر، سعیداللہ، اصغر، رمضان، نظام ،جاوید ،حبیب، اکمل،شہزاد، یعقوب ودیگر نے مسئلہ کے فوری حل کا مطالبہ کیا ہے۔