رمضان المبارک کے پہلے عشرے میں 65 لاکھ زائرین کی مسجد نبوی آمد

مدینہ منورہ (اے پی پی) مسجد نبوی کی انتظامیہ نے کہا ہے کہ رمضان المبارک کے پہلے عشرے کے دوران 65 لاکھ سے زیادہ نمازی اور زائرین مسجد نبوی پہنچے ہیں۔ رمضان کریم کے  پہلے عشرے کے دوران 63 لاکھ 98 ہزار 502 سے زیادہ زائرین اور ایک لاکھ 32 ہزار345  سے زیادہ افراد نے ریاض الجنہ میں نمازیں ادا کیں۔ انتظامیہ نے 12 لاکھ 85 ہزار 543 سے زیادہ آب زمزم کی بوتلیں تقسیم کیں جبکہ 12 لاکھ 99 ہزار 510  سے زیادہ افطار پیکٹ روزے داروں کو فراہم کیے گئے۔