لندن(آئی این پی)یارکشائر کے بیٹر ہیری بروک نے حارث رئوف کو مسخرا قرار دے دیا۔ہیری بروک کے ساتھ لاہور قلندرز میں کھیل چکے اور اب دونوں یارکشائر میں بھی ڈریسنگ روم شیئر کریں گے، حارث کائونٹی چیمپئن شپ اور ٹی 20بلاسٹ میں یارکشائر کی نمائندگی کررہے ہیں۔ہیری بروک نے کہا کہ حارث رئوف بہت ہی باصلاحیت بولر ہیں، انگلش کنڈیشنز میں کافی خطرناک ثابت ہوسکتے ہیں، اگر وہ یہاں پر پیس اور جارحیت کا مظاہرہ کرنے میں کامیاب رہے تو انھیں کھیلتے ہوئے دیکھنا دلچسپی سے خالی نہیں ہوگا، جب میں قلندرز میں ان کے ساتھ تھا تو وہ مسخرے تھے، تمام کھلاڑی ان کی حرکتوں سے لطف اندوز ہوتے، میں سمجھتا ہوں کہ وہ ہمارے ڈریسنگ روم میں بھی فٹ بیٹھیں گے۔