کراچی ( اسپورٹس رپورٹر ) نیا ناظم آباد رمضان کارپوریٹ کپ کرکٹ ٹورنامنٹ میں  مزید دو کوارٹر فائنلسٹ ٹیموں کا فیصلہ ہوگیا ہے۔ گروپ اے سے ارحم کرکٹ کلب اور گروپ سی سے ریئل ٹائم پراپرٹی کی ٹیموں نے کوارٹر فائنل میں جگہ بنائی۔ نیاناظم آباد کرکٹ اسٹیڈیم میں ارحم کرکٹ کلب نے اے زیڈ ریئل اسٹیٹ اینڈ بلڈرز کو ایک سو ایک رنز سے آؤٹ کلاس کیا۔ ارحم سی سی نے پہلے بیٹنگ کرتے ہوئے سات وکٹوں کے نقصان پر ایک سو پچاس رنز بنائے۔جواب میں اے زیڈ ریئل اسٹیٹ کی ٹیم ریت کی دیوار ثابت ہوئی دوسرے میچ میں انوریسکس ایس ایم ایس جمخانہ نے اسلام آباد کی ٹیم ڈائمنڈ لینڈ حب کو چار وکٹوں سے شکست دی۔