اسلام آباد(اپنے سٹاف رپورٹر سے)ڈکیتی ، چوری کی وارداتوں میں شہری نقدی ، طلائی زیورات ، گاڑیوں ، موٹر سائیکلوں سمیت قیمتی شیاء سے محروم ہوگئے ،تھانہ نون کومسماۃ ماہ جبین اشرف نے بتایا کہ آئی 14فور میں نامعلوم افراد نے گھر میں داخل ہو کر 2ہزار روپے اور ہاتھوں میں پہنے سونے زیورات انگوٹھیاں کانوں کی بالیاں اور موبائل فون چھین لئے، تھانہ بنی گالہ کو عبدالحبیب نے بتایا کہ کری روڈ پردو مسلح موٹر سائیکل سواروں نے 68ہزار روپے لوٹ لئے،تھانہ سیکرٹریٹ کو حماد خالد ستی نے بتایا کہ ملپور میں نامعلوم چوروں نے ماڈل فارسٹری پارک سے 792فٹ تار اور 230پول چوری کرلئے، تھانہ آبپارہ کو عثمان چیمہ نے بتایا کہ جی سیون ٹو سستا بازار میں نامعلوم چوروں نے لیپ ٹاپ مالیتی 80ہزار روپے چرا لیا، تھانہ آئی نائن کو حامد رحمان نے بتایا کہ آئی نائن فور پارک میں نامعلوم موٹر سائیکل سواروں نے 8ہزار روپے چھین لئے، تھانہ شمس کالونی کو سید فرقان نے بتایا کہ گولڑہ موڑ کے علاقے میں نامعلوم موٹر سائیکل سواروں نے دوکان میں داخل ہو کر موبائل فون چھین لیا، جی سیون ون سے پیٹر جارج کی گاڑی، جی نائن مرکز سے احسان اللہ کی کار ، بلیوایریا سے محمد حسنین الحق کاموٹر سائیکل، جی سیون فور سے محمد وقار کا موٹر سائیکل، جی الیون ٹو سے محمد علی کا موٹر سائیکل، جی ایٹ ٹو سے محمد عرفان خٹک کا موٹر سائیکل، علی پور سے منور حبیب کا موٹر سائیکل، جی ٹی روڈ سے نوید حنیف کا موٹر سائیکل چوری ہو گیا۔