حمزہ شہباز وزیر اعلیٰ منتخب ہو کرپنجاب میںخوشحالی واپس لائیں گے:اشرف وڑائچ

گوجرانوالہ (نمائندہ خصوصی) مسلم لیگ ن کے رہنما سابق ایم پی اے چوہدری اشرف وڑائچ نے کہا ہے کہ متحدہ اپوزیشن کے پاس ارکان کی اکثریت موجود ہے حمزہ شہباز وزیر اعلیٰ منتخب ہو کرپنجاب میں ترقی اور خوشحالی واپس لے کر آئیں گے افواج پاکستان کے خلاف سوشل میڈیاپی پی ٹی آئی کی مہم قابل مذمت ہے عمران خان قومی اداروں کے خلاف اور نفرت پھیلانے سے گریز کریں ملکی دفاع کے لئے افواج پاکستان کی قربانیاں روز روشن کی طرح عیاں ہیںاداروں کے خلاف منفی پراپیگنڈہ فوری طور پر بند کیا جائے ان خیالات کا اظہار انہوں نے اپنے مرکزی آفس میں کارکنوں کے ساتھ بات چیت کرتے ہوئے کیا انہوں نے کہا کہ حمزہ شہباز کو اوچھے ہتھکنڈوں کے ذریعے وزیر اعلیٰ پنجاب منتخب ہونے سے نہیں روکا جا سکتا ، سابق وزیر اعظم عمران خان اقتدار کی ہوس میں قومی سلامتی کے اداروں کے خلاف مہم چلا رہے ہیں جو انتہائی قابل مذمت ہے انہوں نے کہا کہ افواج پاکستان کی تاریخ بے مثال اور لازوال قربانیوںسے بھر ی پڑی ہے قوم کو اپنی افواج پر فخر ہے۔