مری(نامہ نگار خصوصی) محمدشہباز شریف کے وزیر اعظم منتخب ہونے پر مری ہوٹل ایسوسی ایشن کے چیئرمین ومعروف سیاسی وسماجی شخصیت راجہ عرفان عباسی نے دلی مبارکباد دیتے ہوئے کہا ہے کہ مری کی سیاحت کوفروغ دینے کیلئے محمدشہبازشریف کاوزیراعظم بننا خوش آئند ہے۔ انہوںنے کہا کہ مری کی سیاحتی شاہراہیں اورلنک روڈ کھنڈرات میں تبدیل ہوچکے ہیں ،پانی کی مشکلات کاسامنا ہے ،صفائی کے انتظامات بھی قابل تسلی نہ ہیں جبکہ مہنگائی کے جن نے غریب عوام کی کمر توڑ کررکھ دی ہے۔