نیویارک (نوائے وقت رپورٹ) امریکی جریدے ٹائم میگزین نے دنیا کے مختلف شعبہ ہائے زندگی سے تعلق رکھنے والی 100 بااثر ترین شخصیات کی فہرست جاری کردی۔ 2023ءکیلئے جاری بااثر افراد کی فہرست میں پاکستان سے شیری رحمان جبکہ بھارت سے دو شخصیات شاہ رخ خان اور ساﺅتھ فلم انڈسٹری کے راجا مولی کے نام شامل کئے گئے ہیں۔ ٹائم کی 2023ءکیلئے دنیا کی بااثر ترین شخصیات کی فہرست میں ٹوئٹر کے سی ای او ایلون مسک‘ اوپن اے آئی کے سیم الٹمین‘ امریکی صدر جو بائیڈن‘ برطانوی بادشاہ چارلس‘ پاکستانی وفاقی وزیر ماحولیات شیری رحمن‘ شامی تیراک اور سماجی کارکن سارا مردینی یسریٰ مردینی بیلا حدید اور بیانسی سمیت دیگر شخصیات کے نام شامل کئے گئے ہیں۔ ٹائم میگزین کی سی ای او کا کہنا تھا کہ ہم رواں برس دنیا کے 100 بااثر ترین افراد کی فہرست جاری کرتے ہوئے بہت ہی پرجوش محسوس کررہے ہیں۔ عالمی منظرنامے میں اپنے اثر و رسوخ سے مثبت کام کرنے والی شخصیات پر مشتمل ٹائم ہنڈرڈ کمیونٹی دنیا کی سب سے بڑی لیڈرشپ کمیونٹی ہے۔ غیرملکی میڈیا کے مطابق 25 اپریل کو ٹائم ہنڈرڈ کی جانب سے 2023ءکیلئے منتخب ہونے والے دنیا کے 100 بااثر ترین افراد کے ساتھ سالانہ اجلاس منعقد کیا جائے جبکہ 26 اپریل ٹائم ہنڈرڈ گالا منعقد ہوگا۔