لاہور(سپورٹس ڈیسک) سعودی عرب نے دنیا کی مہنگی ترین کرکٹ ٹی ٹونٹی لیگ کا منصوبہ تیار کر لیا۔ آسٹریلوی میڈیا کے مطابق مہنگی ترین لیگ کیلئے سعودی عرب حکومت نے انڈین پریمیئر لیگ کے مالکان سے بات کی ہے۔ آسٹریلوی میڈیا کا کہنا ہے کہ مبینہ طور اس لیگ کا منصوبہ ورلڈکرکٹ کو تبدیل کر دیگا۔سعودی حکام نے ٹی ٹونٹی کرکٹ کی مہنگی ترین لیگ کو اپنا اگلا منصوبہ قرار دیا ہے۔آسٹریلوی میڈیا کے مطابق بھارتی کھلاڑیوں پر اپنے بورڈ کی جانب سے دیگر لیگز میں شرکت پر پابندی ہے اور سعودی عرب کے حکام کی تجویز کے بعد قوانین میں نرمی کیے جانے کا امکان ہے۔ سعودی عرب میں لیگ کے حوالے سے بات چیت ایک برس پہلے شروع ہوئی، آئی سی سی چیئرمین گریگ بارکلے نے سعودی سرمایہ کاری کی دلچسپی کی تصدیق کی تھی۔ سعودی حکام پرامید ہیں کہ دنیا کے لیے کرکٹ کا اگلا پڑائو سعودی عرب ہو گا۔