لاہور(سپورٹس رپورٹر) پاکستان ٹیم کے فاسٹ بائولرمیر حمزہ نے کہا ہے کہ یہ وقت اور کلچر کی بات ہے کہ اس وقت فاسٹ بائولر کی صرف پیس دیکھی جارہی ہے میری اِسکل پیس نہیں بلکہ سوئنگ ہے۔میں صرف اپنی پیس پر توجہ دے کر سوئنگ کے ہنر کو کھونا نہیں چاہتا، احسان اللہ اور حارث روف کی اِسکل پیس ہے، میرا تیز رفتار بائولرز سے موازنہ نہیں کیا جاسکتا۔ پاکستان کے پاس اس وقت بے شمار فاسٹ بائولرز ہیں جو کہ ایک خوش آئند بات ہے۔