لاہور‘نارنگ منڈی‘فیروزوالہ (نامہ نگاران ‘نمائندہ نوائے وقت)شہر کے مختلف علاقوں میں ڈاکوؤں اور چوروں نے چوری و ڈکیتی کی وارداتوں میں متعدد شہریوں سے لاکھوں روپے ‘طلائی زیورات ، موبائل فون، موٹر سائیکلیں، گاڑیاں اور دیگر سامان لوٹ لیا۔قلعہ کالروالا کے نواحی گاؤں جامکے ڈھینڈسہ کے رہائشی 2 نوجوانوں آذان اور فرحان کو مسلح ڈاکو گن پوائنٹ پر لوٹ کرموقع سے فرار ہوئے تومذکورہ دونوں نوجوانوں نے ڈاکوؤں کا تعاقب شروع کردیا جس پر ڈاکوؤں نے فائرنگ کرکے 20 سالہ نوجوان اذان کوزخمی کردیا وہ زخموں کی تاب نہ لاتے ہوئے راستہ میں ہی جاں بحق ہوگیا۔ لاہور شرقپور روڈ پر اٹاری کے قریب ڈاکوؤں نے موٹر سائیکل سوار افراد کو لوٹ لیا مزاحمت پر ڈاکووں نے گولی مار کر نوجوان توصیف احمد کو زخمی کر دیا ڈاکو نقدی اور موبائل چھین کر لے گئے ۔کوٹ عبدالمالک کے قریب ڈاکووں نے ڈکیتی کے لیے موٹر سائیکل سوار کو روکنے کی کوشش کی جو نہ رکا جس پر فائرنگ کر کے نوجوان عمران کو زخمی کر دیاگوجرانوالہ روڈ  پٹرول پمپ کے قریب3ڈاکوؤں نے فارمیسی کے مالک ندیم کو لوٹ لیا۔ڈاکوؤں نے فیکٹری ایریا میں عامر اور اس کی فیملی سے گن پوائنٹ پر ساڑھے5 لاکھ ‘ زیورات، گلشن اقبال میں حسین سے 80ہزار‘ موبائل فون،کوٹ لکھپت میں افضل سے 60ہزار‘ موبائل فون،گلبرگ میں خورشید سے 50 ہزار‘ موبائل فون، لٹن روڈ میں مکرم سے 21ہزار 3‘موبائل فون،ملت پارک میں پرویز سے 15ہزار ‘ موبائل فون،جوہر ٹاؤن میں 10 ہزار‘ موبائل فون،اسلام پورہ میں سلیمان سے 5ہزار‘ موبائل فون لوٹ لیا اور فرار ہوگئے ۔چوروں نے لیاقت آباد میں سجاد کے گھرسے4لاکھ ‘زیورات دیگر سامان چوری کرلیا۔ چوروں نے گلشن راوی، جوہر ٹاؤن‘ ڈیفنس سے 3 کاریں،ہنجروال سے رکشہ جبکہ داتا دربار، کاہنہ، فیکٹری ایریا، باٹا پور، ٹبی سٹی، مانگا منڈی، پرانی انارکلی، اسلام پورہ اور شادمان کے علاقوں  سے9 موٹر سائیکلیں چوری کر لی ہیں۔