ایبٹ آباد (اے پی پی)ایبٹ آباد ہرنو کھن روڈ گلی میرا کے مقام پر جیپ کھائی میں گرنے کے نتیجے میں 4 سالہ بچہ جاں بحق اور خواتین سمیت 12 افراد زخمی ہو گئے۔ترجمان ریسکیو 1122 ایبٹ آباد کے مطابق یہ حادثہ گزشتہ رات ڈیڑھ بجے پیش آیا۔حادثے کی اطلاع ملتے ہی ریسکیو 1122کی 2 ایمبولینسز فوری جائے حادثہ پر پہنچ گئیں۔حادثے کے نتیجے میں جیپ میں سوار 4 سالہ حسن ناصر نامی بچہ جاں بحق جبکہ خواتین سمیت 12 افراد شدید زخمی ہو گئے۔ ریسکیو میڈیکل ٹیم نے بروقت رسپانس کرتے ہوئے 4 سالہ بچے کی نعش اور تمام زخمیوں کو ابتدائی طبی امداد فراہم کرتے ہوئے ڈی ایچ کیو ہسپتال منتقل کرا دیا ہے۔