فیروزوالہ( نامہ نگار)جی ٹی روڈ، اور لاہور روڈ پر ٹریفک کے مختلف حادثات میں ایک شخص جاں بحق اور20 افراد زخمی ہو گئے۔جیون پورہ کے قریب تیز مسافر ویگن الٹ جانے سے 6فراد زخمی ہو گئے ۔ ایس اے گارڈن کے قریب مسافر ویگن اور کار تصادم کے نتیجہ میں 9افراد شدید زخمی ہو گئے۔کچے کوٹھے کے قریب تیزر فتار رکشہ ایکسل ٹوٹنے کے باعث ڈیوائڈر سے ٹکرا کر الٹ گیا ‘ پانچ افراد زخمی ہو گئے۔ جن میں سمیر، زین اور ندیم شامل ہیں۔ شرقپور روڈ پر رکشہ کا ایکسل ٹوٹ جانے سے رکشہ الٹ گیا جس کے نتیجہ میں تین افراد نرگس بی بی خالد وغیرہ زخمی ہو گئے۔ لاہور روڈ پر تیز رفتار گاڑی کی ٹکر لگنے سے موٹر سائیکل سوار نوجوان عدیل احمد ہلاک ہو گیا۔