ورلڈکپ کوالیفائرز ‘جناح سٹیڈیم میں فیفا معیار کے مطابق لائٹس نصب

 لاہور(سپورٹس رپورٹر)ورلڈ کپ کوالیفائرز کے میچ کے لیے اسلام آباد کے سٹیڈیم میں فیفا معیار کے مطابق لائٹس لگا دی گئیں پی ایف ایف نے خط میں کہا کہ اسلام آباد کے سٹیڈیم میں فیفا معیار کے مطابق لائٹس لگا دی گئی ہیں تاہم ذرائع نے بتایا کہ اے ایف سی نے پی ایف ایف سے لائٹس کے معیار کی تصدیقی دستاویزات مانگ لی ہیںجس کے بعد پی ایف ایف نے تصدیقی دستاویزات کی فراہمی کیلئے پاکستان اسپورٹس بورڈ کو خط لکھ دیا۔ دستاویزات کی فراہمی کے بعد اے ایف سی کا جائزہ وفد اسلام آباد کا دورہ کریگا۔واضح رہے کہ فیفا ورلڈ کپ کوالیفائرز راؤنڈ ٹو میں پاکستان اور سعودی عرب کے درمیان میچ 6 جون کو اسلام آباد میں ہوگا۔