پاکستان ‘ نیوزی لینڈ ٹی ٹونٹی سیریز ‘ٹکٹوں کی فروخت کیلئے بوتھ قائم 

 لاہور(سپورٹس رپورٹر)پاکستان بمقابلہ نیوزی لینڈ ٹی ٹونٹی سیریز کی ٹکٹوں کی فروخت کیلئے ٹکٹنگ بوتھ کا قیام عمل میں لایاگیا ہے ،باکس آفس کا مقصد شائقین کو آسانی سے ٹکٹوں کی فراہمی ہے۔راولپنڈی میں باکس آفس پنڈی پی ایف گراؤنڈ راول روڈ 1122 ریسکیو آفس کے مقابل قائم ہوگا،پنڈی کا باکس آفس 16 اپریل سے کام شروع کریگا۔لاہور میں یہ باکس آفس لبرٹی کے داخلے کے قریب قائم ہوگا جو 21 اپریل سے کام شروع کریگا۔
ہاسپٹیلٹی باکسز اور پلاٹینم باکسز کے سوا دیگر تمام ٹکٹیں باکس آفس پر دستیاب ہونگی۔ پہلے ٹی ٹونٹی کیلئے وی وی آئی پی گیلری چھ ہزار روپے، وی آئی پی سات سو پچاس روپے اور پریمئم پانچ سو روپے ،دوسرا ٹی ٹونٹی کیلئے وی وی آئی پی گیلری سات ہزار پانچ سو روپے، وی آئی پی ایک ہزار روپے،پریمئم سات سو پچاس روپے جبکہ تیسرا ٹی ٹونٹی کیلئے وی وی آئی پی گیلری سات ہزار پانچ سو روپے،وی آئی پی ایک ہزار روپے، پریمئم سات سو پچاس روپے قیمت رکھی گئی ہے ۔چوتھے ٹی ٹونٹی کیلئے وی وی آئی پی گیلری چھ ہزار روپے، وی وی آئی پی انکلوژر چار ہزار روپے،وی آئی پی ایک ہزار روپے،پریمئم آٹھ سو روپے، فرسٹ کلاس پانچ سو روپے،جنرل تین سو روپے،پانچویں ٹی ٹونٹی کیلئے وی وی آئی پی گیلری سات ہزار روپے،وی وی آئی پی انکلوژر پانچ ہزار روپے،وی آئی پی تیرہ سو روپے،پریمئم نو سو روپے،فرسٹ کلاس چھ سو روپے،جنرل تین سو روپے رکھی گئی ،ہاسپٹیلٹی باکسز اور پلاٹینم باکسز کی خریداری کیلئے پی سی بی سے رابطہ کریں۔