۔نارتھ ناظم آباد میں ملزمان ڈکیتی کی نیت سے ایک گھر میں داخل ہوئے اور مزاحمت پر پینتیس سالہ احمد وقاص کو قتل جبکہ بائیس سالہ مہوش اور تیس سالہ ناہید کو زخمی کردیا۔ فیڈرل بی ایریا بلاک سولہ سے دو بوری بند لاشیں برآمد ہوئی ہیں جنہیں اغواء کے بعد گولیاں مارکرہلاک کیا گیا جبکہ اسٹارگیٹ پر نامعلوم افراد کی فائرنگ سے اٹھائیس سالہ سلیم زخمی ہوگیا ۔ گھاس منڈی میں ایک شخص کوفائرنگ کا نشانہ بنایا گیا جبکہ تھانہ عزیز بھٹی کی حدود میں دہشت گردوں نے ڈی ون مزدا پر فائرنگ کی جسکے نتیجے میں پچاس سالہ شکوراور پینتیس سالہ عبداللطیف زخمی ہوگئے، نارتھ کراچی بارہ دری میں تیس سالہ شاہد اندھی گولی لگنے سے زخمی ہوگیا۔ سولجر بازارکے علاقے باران گوٹھ میں ملزمان نے تاجر عبدالغفار سے بھتہ طلب کیا اور انکارپر اس کے گودام پرگرینیڈ سے حملہ کیا جس سے دو افرد زخمی ہوگئے ۔