بیرون ملک پاکستانی سفارتخانوں میں یوم آزادی کے حوالہ سے تقریبات

مدینہ منورہ /کویت سٹی(جاوید اقبال بٹ/ عبدالشکور ابی حسن) سعودی عرب میں یوم آزادی کی تقریبات سفارت خانہ سمیت مختلف شہروں میںشایان شان طریقے سے منائی گئیں۔ حج مشن کے زیر انتظام پاکستان ہاو¿س مدینہ منورہ میں تقریب ہوئی۔ ڈپٹی ڈائریکٹر حج محمد سیف انور جپہ مہمان خصوصی تھے نظامت کے فرائض منیر عابد نے ادا کئے۔ ڈپٹی ڈائیریکٹر حج نے پاکستان کی جدوجہد مسلسل پر مدلل تقریر کی ۔انہوں نے کہ پاکستانی کمیونٹی کسی قسم کی افواہوں پر کان نہ دھرے۔ اس کے بعد یوم آزادی کی مناسبت سے ایک کیک کاٹاگیا۔جاوید اقبال بٹ ، طاہر لطیف، شاہد ریاض، ماجد اقبال، چوہدری محمد وحید، عبدالستار اعوان، فہد جاوید بٹ، ولی ایاز، محمد ہمایوں بابری، فضل الرحمن، اکمل خان ، ظفر نیاز، عبدالغنی، سکندر بوریرو، حفیظ الرحمن،عبدالحکیم، ملک زوالفقار، اویس قادر اور دیگر نے شرکت کی۔ کوےت میں یوم آزادی پاکستان بڑے ملی جذبے سے منایا گےا۔ سفارتخانے میں سفیر سید ابرارحسین نے پاکستان کا سرسبزہلالی پرچم لہرایا ،پاک فوج کے میجر یوسف نے پرچم کو سلامی دی ۔تقریب کا دوسراحصہ قائداعظم ہال سفارت خانہ پاکستان کے ہال میں ہوئی جہاں سید ابرارحسین نے صدر آصف زرداری ،اورہیڈآف دی مشن حسن وزیر خان نے وزیراعظم نوازشریف کا اوورسیزپاکستانیوں کے نام پیغام پڑھ کرسنایا ۔نقابت کے فرائض پریس اتاشی کاشف زمان نے اداکئے ۔ابرارحسین نے بچوں کے ہمراہ کیک کاٹا ۔ ایک مقامی ہوٹل میں سفیر نے پاکستانی آم ،چاول اوردیگر غذائی اشیاءکی نمائش کا افتتاح کیا گیا۔