لاس ویگاس (نیٹ نیوز) امریکی شہر لاس ویگاس کی پولیس کو مشہور اک بینڈ گنزاینڈ روزز کے گٹارسٹ اور ان کی منگیتر کو پولیس ہیلی کاپٹر میں سواری کرانا مہنگا پڑ گیا معاملہ منظر عام پر آنے کے بعد تحقیقات شروع کر دی گئی ڈی جے ایشبا اور ان کی منگیتر نے گزشتہ ہفتے لاس ویگاس پولیس ڈیپارٹمنٹ کے ہیلی کاپٹر میں سواری کی تھی۔ دونوں پولیس ہیڈ کوارٹر کے قریب ایک میدان میں اترے جہاں منگنی کی تقریب منعقد کی گئی ڈی جے ویشو نے ہفتے کو سماجی ویب سائٹ پر ہیلی کاپٹر میں سواری کا انکشاف کیا اور لاس ویگاس پولیس کا شکریہ ادا کیا معاملہ سامنے آنے پر لاس ویگاس پولیس نے کمیشن قائم کر دیا ہے جو اس بات کی تحقیقات کر رہا ہے کہ ہیلی کاپٹر کو نجی مقصد کیلئے استعمال کرکے محکمے کے قواعد و ضوابط کی خلاف ورزی تو نہیں کی گئی۔