جشن آزادی پرکئی شہروں میں ہوائی فائرنگ، کراچی میں 3 افراد ہلاک

کراچی +اسلام آباد (آئی این پی+ نوائے وقت نیوز ) ملک بھر میں جشن آزادی کے موقع پرہونےوالی ہوائی فائرنگ اورآتشبازی سے 3 افرادجاں بحق اور 41 سے زائد افراد زخمی ہوگئے۔ تفصیلات کے مطابق کراچی میں جشن آزادی کے موقع پر ہوائی فائرنگ سے دو افراد جاں بحق جبکہ تین خواتین سمیت گیارہ افراد زخمی ہوئے۔ گلستان جوہر میں روحیل جاں بحق ہوا۔ شہر کے مختلف علاقوں میں رات بارہ بجتے ہی آتشبازی اور ہوائی فائرنگ کا سلسلہ شروع ہوگیا تھا۔ راولپنڈی کے مختلف علاقوں میں ہوائی فائرنگ سے30 سے زائد افراد زخمی ہوگئے۔ زخمیوں میں خواتین اور بچے بھی شامل ہیں۔ اسلام آباد میں بھی فائرنگ کے مختلف واقعات میں متعدد افراد زخمی ہوئے ۔