لاہور(نمائندہ خصوصی)لاہورپولیس نے ون ویلنگ کرنے والوںکے خلاف کارروائی کرتے ہوئے11 تا 14 اگست تک 485 ملزمان کو گرفتارکر کے 379مقدمات درج کیئے۔ صدر ڈویژن سے 193،ماڈل ٹاؤن سے 125، کینٹ سے 112،سٹی ڈویژن سے 38 جبکہ سول لائنز سے 17 ون ویلرزکو گرفتار کیا گیا۔لاہور پولیس نے غیر قانونی طور پر کھالیں اکٹھی کرنے والے96ملزمان کو گرفتار کر کے75 مقدمات درج کئے۔ہوائی فائرنگ کے الزام میں مجموعی طور پر26افراد کو گرفتار کیا گیا۔کینٹ ڈویژن سے 09،سول لائنز سے 05،سٹی سے 04، اقبال ٹاؤن سے 02،صدر ڈویژن سے 04 جبکہ ماڈل ٹاؤن ڈویژن سے 02 ملزمان گرفتارکئے گئے۔پتنگ بازی ایکٹ کی خلاف ورزی پر 31 ملزمان کو گرفتار کر کے ملزمان کے قبضہ سے ہزاروں پتنگیں،پنی وگچھی ڈور برآمدکی گئی۔شراب فروشی کے الزام میں 42 ملزمان گرفتار کر کے 38مقدمات درج کئے گئے جبکہ ملزمان کے قبضہ سے 1896 لیٹرز شراب برآمدکی گئی ۔ سرعام سری پائے بھوننے والے 71 ملزمان گرفتار کئے گئے۔