ساہیوال: تیز رفتار کار کی ٹکر سے موٹر سائیکل سوار میاں بیوی‘ بیٹا جاں بحق

ساہیوال (نمائندہ نوائے وقت) ساہیوال فیصل آباد روڈ پر قطب شہانہ پل کے قریب مشتاق چوک میں کار اور موٹر سائیکل کے تصادم کے نتیجہ میں ایک ہی خاندان کے تین افراد جاں بحق ہو گئے جن میں 35سالہ سیف اللہ، اسکی بیوی کوثر پروین 35 سالہ اور 6 سالہ بیٹا موسیٰ شامل ہیں۔ تینوں موٹر سائیکل پر 125 چک سے 546 گ ب سے نور شاہ جا رہے تھے کہ مخالف سمت سے آنے والی تیز رفتار کار نمبر567۔ بی ایل موٹر سائیکل پر چڑھ گئی اور تینوں موقع پر جاں بحق ہو گئے۔