اوکاڑہ (نامہ نگار) ڈرائیور کواونگھ آنے سے منی بس بے قابو ہوکر الٹ گئی۔ خواتین، بچوں اور مردوں سمیت 20افراد شدید زخمی ہوگئے۔ ریسکیو1122نے زخمیوں کو مختلف ہسپتالوں میں منتقل کردیا گیا۔ تفصیلات کے مطابق ایک مزدا منی بس مسافروں کو لے کر لاہور جارہی تھی کہ راجووال قصور روڈ پر منی بس کے ڈرائیور کو اونگھ آگئی جس کے نتیجے میں منی بس بے قابو ہوکر الٹ گئی۔ منی بس میں سوار 20خواتین، مرد اور بچے شدید زخمی ہوگئے۔ زخمیوں کو اوکاڑہ کے مختلف ہسپتالوں میں منتقل کردیا گیا، ریسکیو1122ذرائع کے مطابق زخمیوں میں سے دو کی حالت تشویشناک بتائی گئی ہے۔ باوثوق ذرائع سے معلوم ہوا ہے کہ حادثہ کے شکار زخمیوں کا ایک ہی خاندان سے تعلق ہے جوکہ لاہور داتا گنج بخش علی ہجویریؒ کے دربار پر حاضری دینے جارہے تھے۔