کراچی (آئی ا ین پی) مزار قائد  پر گارڈز کی تبدیلی کی پروقار تقریب ہوئی، پاکستان نیول اکیڈمی کے جوانوں نے گارڈز کے فرائض سنبھالے۔ اتوار کو  75ویں یوم آزادی اور 14 اگست کے موقع پر بانی پاکستان قائد اعظم محمد علی جناح کے مزار پر گارڈز کی تبدیلی کی پروقار تقریب میں پاکستان نیول اکیڈمی  کے جوانوں نے اعزازی گارڈز کی ذمہ داریاں سنبھال لیں۔ یہاں یہ بات بھی قابل ذکر ہے کہ ملکی تاریخ میں پہلی بار اعزازی گارڈز کی ذمہ داریاں خواتین کیڈٹس نے بھی سنبھالیں۔ پاکستان نیول اکیڈمی کی 2خواتین کیڈٹس اعزازی گارڈز کی ذمہ داریاں سنبھالے والوں میں شامل ہیں۔