راولپنڈی پولیس اور محکمہ فوڈکی مشترکہ کاروائیوں میں گندم سمگلنگ ناکام 

راولپنڈی(اپنے سٹاف رپورٹر سے)راولپنڈی پولیس اور محکمہ فوڈنے مشترکہ کاروائیوں میں گندم اور آٹا سمگل کرنے کی کوشش ناکام بنادی 19 ڈرائیوروں کو گرفتار کرکے540ٹن گندم،2570 تھیلے آٹا، 640 تھیلے گندم اور 100 تھیلے چوکرقبضے میں لے لئے تھانہ چکری پولیس نے 16 ڈرائیوروں کو گرفتار کرکے 540 ٹن گندم برآمد کرلی،تھانہ نصیرآباد پولیس نے 02ڈرائیوروں عدنان اور مبشر کو گرفتار کرکے 1200 تھیلے آٹا، 640 تھیلے گندم اور 100 تھیلے چوکر برآمد کیا، تھانہ صدرواہ پولیس نے ڈرائیور حفیظ کو گرفتار کرکے 170 تھیلے آٹا برآمد کیاتھانہ رتہ امرال پولیس نے ڈرائیور سعید اکبر خان کو گرفتار کرکے 1200 تھیلے آٹا برآمد کیا۔