قومی کھلاڑیوں ‘شوبز ستاروں کی یوم آزادی پر مبارکباد 

 لاہور (کلچرل رپورٹر+سپورٹس رپورٹر)شوبز ستاروں اور کھلاڑیوں کی جانب سے جشن آزادی کی مبارک باد دی گئی ۔اداکار ہارون شاہد نے لکھا کہ پاکستان زندہ باد، ہم سب کا پاکستان ہے، وعدہ کریں اس ملک کی خوشحالی کیلئے مل کر کام کریں گے۔فاسٹ باﺅلر حسن علی نے جشن آزادی کی مبارک باد دیتے ہوئے لکھا کہ اپنے تمام اہل وطنوں کو دلی محبت کا اظہار کرنے کےلئے جشن آزادی مبارک ہو آزاد ہونے کی مبارک باد۔سابق کپتان محمد حفیظ نے لکھا کہ آئیے سب کی کوششوں اور خدمات کا اعتراف کریں، آئیے بطور فخر پاکستانی بہتر معاشرہ اور عظیم قوم بننے کے لیے اپنا کردار ادا کریں، پاکستان زندہ باد۔اداکارہ ہانیہ عامر نے بھی جشن آزادی منفرد انداز میں منایا اور اپنی آواز میں مشہور نغمہ ’دل سے میں نے دیکھا پاکستان گنگنایا جسے مداحوں کی جانب سے خوب سراہا گیا۔