لاہور(سپورٹس رپورٹر)ویمنز انڈور ہاکی ایشیا کپ میں پے در پے شکستوں کی وجہ سے پاکستان ویمنز ٹیم کو سب سے آخری نویں پوزیشن دےدی گئی، قومی ٹیم کو پانچویں سے آٹھویں پوزیشن کے میچز ہی نہیں دیئے گئے، پاکستان ٹیم کو چار میچز میں 45 گول پڑے۔تھائی لینڈ میں جاری ویمنز انڈور ہاکی ایشیا کپ میں پاکستان ٹیم نے پہلی بار شرکت کرنے والی پاکستان ویمنز ٹیم کو چار میچز میں 45 گول پڑے جبکہ پاکستان ٹیم نے صرف ایک گول کیا۔ نو ممالک کی ٹیموں پر مشتمل ٹورنامنٹ ابھی جاری ہے جہاں دیگر ٹیمیں پانچویں سے آٹھویں پوزیشن کے میچز کھیل رہی ہیں جبکہ پاکستان ٹیم کو آخری نویں پوزیشن پر ڈال دیا گیا۔ سنگاپور کی ٹیم بھی کوئی میچ نہیں جیت سکی لیکن اسے پوزیشن میچز دیئے گئے۔پاکستان ٹیم کی کوچ راحت خان نے کہاکہ ہمیں کیو نکہ گول بہت زیادہ پڑے ہیں اس وجہ سے منتظمین نے ہمیں پوزیشن میچز نہیں دیئے اور آخری پوزیشن الاٹ کردی۔پاکستان ویمنز ٹیم نے آخری میچ 11اگست کو کھیلا، قومی ٹیم کی وطن واپسی 16اگست کو ہوگی۔