ایمن اباد (نمائندہ نوائے وقت ) اسسٹنٹ سپرٹینڈنٹ پولیس راحیلہ اقبال نے کہاکہ قائد اعظم اور مفکر اسلام علامہ محمد اقبال کا ویژن ہمارے لیے مشعل راہ ہے۔ امریکہ میں مقیم پاکستانی نڑاد معروف سماجی شخصیت لیاقت علی چوہدری نے کہاکہ پاکستان قائد اعظم محمد علی جناح کی جدوجہداور مفکر اسلام علامہ اقبال کے خوابوں کی تعبیر ہے۔ ڈائریکٹر رائل پام سٹی ہاؤسنگ سوسائٹی احمد وقاص اوجلہ نے کہاکہ وطن پاکستان کو حاصل کیے 76برس ہو چکے ہیں اس کے قیام کے لیے ہمارے بزرگوں نے بے شمار قربانیاں دی ہیں۔ڈی ایس پی سی ٹی ڈی پنجاب عمران عباس چدھڑ نے کہا کہ 14 اگست قائد اعظم کے نظریے پر عمل پیرا ہونے کا دن ہے۔برطانیہ میں مقیم پاکستانی کمیونٹی کی ہر دل عزیز شخصیت رانا احسن افتخار نے کہاکہ وطن عزیز پاکستان کی بنیادوں میں لاکھوں شہداء کا خون شامل ہے۔