اسنتبول (نیٹ نیوز) مشہور ترک ڈرامہ سیریز ارطغرل غازی میں عبدالرحمن کا کردار نبھانے والے ترکیہ کے اداکار جلال آل نے پاکستان کو 77 ویں یوم آزادی پر مبارکباد پیش کی ہے۔ ترکیہ کے اداکار جلال آل نے اردو زبان میں ویڈیو پیغام جاری کیا اور پاکستانیوں کو یوم آزادی کی مبارکباد پیش کی۔انہوں نے کہا کہ میں پاکستان کے یوم آزادی پر پاکستانی بہن بھائیوں جنہوں نے ہمارے برے وقت میں ہمیشہ ہمارا ساتھ دیا‘ ان کو مبارکباد پیش کرتا ہوں۔ ترک اداکار نے بانی پاکستان قائداعظم محمد علی جناح کی مغفرت کی دعا کی۔ جلال آل نے آخر میں ’’دل دل پاکستان‘ جان جان ترکیہ‘ پاکستان زندہ باد‘‘ کا نعرہ بھی لگایا۔