لاپتہ اطالوی کوہ پیماکی نعش کرگل سے برآمد‘ ایک زخمی ہسپتال

کرگل (اے پی پی)لداخ میں لاپتہ ہونے والے 39سالہ اطالوی کوہ پیماکی نعش کرگل سے برآمد ہوئی ہے جبکہ ایک زخمی کوہ پیما کو بچا لیا گیا۔کشمیر میڈیا سروس کے مطابق سینئر سپرانٹنڈنٹ پولیس کرگل عنایت علی چودھری نے بتایا کہ ایک مشترکہ ٹیم نے ڈیوڈ میسیلا کی نعش لہہ زنگلہ ٹریک پر چارچر لا پاس سے برآمد کی ۔میسیلا کو 23جولائی کو ہنکر میں آخری بار دیکھاگیاتھا جو لہہ سے زنگلا تک سفر کے دوران میں لاپتہ ہوگیاتھا۔ایک اور واقعے میں ایک زخمی کوہ پیما کو 7,135میٹر بلند مائونٹ نون کے جو لداخ کی زنسکار وادی میں سب سے اونچی چوٹی ہے، بیس کیمپ سے بچایا گیا۔زخمی کوہ پیما کو ہسپتال منتقل کر دیا گیاہے۔