لاہور(نامہ نگار)پنجاب بھرمیں گزشتہ 24 گھنٹوں کے دوران 1274ٹریفک حادثات میں 9افراد جاں بحق1338 زخمی ہوئے ہیں۔ان ٹریفک حادثات میں 630ڈرائیوز،51کم عمرڈرائیور، 550مسافراور167پیدل چلنے والے افراد متاثر ہوئے۔ جس میں صوبائی درالحکومت 298متاثرین کے ساتھ پہلے،فیصل آباد 105حادثات میں 103متاثرین کے ساتھ دوسرے،ملتان 93حادثات میں 85متاثرین کے ساتھ تیسرے نمبرپررہا۔ان ٹریفک حادثات کے کل1338متاثرین میں 1083مرد اور264خواتین شامل ہیں۔ زخمی ہونے والوں میں 277افراد کی اوسط عمر18سال سے کم، 676افراد کی اوسط عمر 18سے 40سال کے درمیان جبکہ394زخمی افراد کی اوسط عمر 40سال سے زائد ہے۔ان ٹریفک حادثات کے بیشتر واقعات میں 1116 موٹرسائیکلز، 60آٹو رکشے،121کاریں، 30وین، 9مسافر بسیں،24ٹرک اور116دوسری اقسام کی گاڑیاں شامل ہیں۔