لاہور(سپورٹس رپورٹر)پیرس اولمپکس میں کھیلا گیا بریک ڈانس مقابلہ اب لاس اینجلس 2028 مقابلوں میں دیکھنے کو نہیں ملے گا‘ کرکٹ کے کھیل کو شامل کیا جائیگا۔ لاس اینجلس 44 سال دوبارہ 2028 میں 34 ویں اولمپکس کی میزبانی کریگا تاہم اس میں سے بریک ڈانس ایونٹ نکال دیا جائیگا۔بریک ڈانس کا کھیل پہلی مرتبہ پیرس اولمپکس میں ہی شامل کیا گیا تھا تاہم اگلے اولمپکس میں یہ کھیل ایونٹ کا حصہ نہیں ہوگا۔کرکٹ کا کھیل 128 سال بعد اولمپکس کا حصہ بنے گا جسے ٹی20 فارمیٹ کے تحت کھیلا جائیگا۔سال 1900 میں پہلی بار کرکٹ کو اولمپکس کا حصہ بنایا گیا تھا جبکہ اسکے علاوہ بیس بال، سوفٹ بال اور لیکروس کو بھی لاس اینجیلس اولمپکس ایونٹ میں شامل کیا جائیگا۔