فیروز والہ : 2سگے بھائیوں نے چچا کو فائرنگ کرکے قتل کردیا  

فیروزوالہ( نامہ نگار )تھانہ فیکٹری ایریا کے علاقہ مسن کالر میں قتل کے ملزمان سے صلح کرنے کے شک پر دو سگے بھائیوں نے ساتھی کی مدد سے فائرنگ کر کے اپنے سگے چچا سخاوت علی کو قتل کر دیا اور فرار ہو گئے۔ زمیندار 38 سالہ سخاوت علی اپنے ڈیرہ میں موجود  تھا کہ اس کے سگے بھتیجے وقار احمد اور ثقلین اشرف ساتھی کی مدد سے مسلح ہو کر ڈیرہ میں گھس آئے اور فائرنگ کر کے ہلاک کر دیا ۔فیکٹری ایریا  پولیس نے نعش پوسٹ مارٹم کیلئے ہسپتال میں بھجوا دی۔