لاہور(نیوز رپورٹر) روڈا میں 14 اگست کی مناسبت سے یوم آزادی کی تقریب۔راوی اربن ڈویلپمنٹ اتھارٹی نے یومِ آزادی کی تقریب شاندار طریقے سے منعقد کی جس میں حب الوطنی اور قوم کی ترقی کیلئے بھرپور عزم کا اظہار کیا گیا۔ اس تقریب میں روڈا کے معزز چیف آپریٹنگ آفیسر منصور جنجوعہ، افسران اور تمام عملے نے شرکت کی جو اس اہم موقع کو منانے کیلئے ایک ساتھ جمع ہوئے۔روڈا ہیڈ کوارٹر میں منعقد ہونے والی یہ تقریب آزادی کے جذبے، اتحاد اور ملک کی ترقی و خوشحالی کے مشترکہ عزم کے ساتھ گونج رہی تھی۔ منصور جنجوہ نے ایک پرجوش خطاب میں یوم آزادی کی اہمیت اور ملازمین کا ملک کی جاری ترقی اور خوشحالی میں ادا کردہ کردار پر روشنی ڈالی۔ رودا کی کامیابی اور قوم کی ترقی میں حصہ ڈالنے کیلئے اجتماعی کوششوں، ٹیم ورک اور جدید سوچ کی اہمیت پر زور دیا۔