لاہور(نیوز رپورٹر)یوم آزادی قومی جوش و جذبہ سے منانے کیلئے واپڈا ہاؤس لاہور میں ایک باوقار تقریب ہوئی۔ ممبر فنانس واپڈا نوید اصغر چوہدری نے ممبر پاور جمیل اختر کے ہمراہ پرچم کشائی کی۔ پرچم کشائی کی تقریب میں خصوصی طور پرشریک واپڈا گرلز ہائرسیکنڈری سکول چشمہ کی طالبات نے قومی ترانہ پیش کیا۔ طالبات نے یوم آزادی کی مناسبت سے ملی نغمے بھی پیش کیے۔تقریب میں واپڈا آفیسرز، ملازمین اور ان کے اہل خانہ نے کثیر تعداد میں شرکت کی۔