چینوٹ‘نوشہرہ ورکاں (نامہ نگار ‘ نمائندہ نوائے وقت)2حادثات میں 6 افراد جاں بحق اور تین زخمی ہوگئے۔ لاہور روڈ طاھر آباد کے قریب تیز رفتاری کے باعث حادثہ پیش آیا‘ زخمیوں کوہسپتال منتقل کردیا گیا۔ 15 سالہ رابعہ‘ 25 سالہ سعد‘ 14 سالہ سلیمان زخموں کی تاب نہ لاتے ہوئے جاں بحق ہوگئے جبکہ 18 سالہ اقراء ‘ 25 سالہ شاہد‘ 28 سالہ قمر ڈی ایچ کیو ہسپتال چینوٹ میں زیر علاج ہے۔ حادثہ میں جاں بحق اور زخمیوں کا تعلق پنڈی بھٹیاں سے ہے ۔نوشہرہ ورکاں‘نواحی گاؤں مجوچک میں تیز رفتار بس نے موٹر سائیکل سوار تین افراد کو کچل دیا۔ تینوں جاں بحق۔ ریسکیو 1122 ایک زخمی کو ہسپتال لے جا رہے تھے کہ جان کی بازی ہارگیا۔نوشہرہ ورکاں کے نواحی گاؤں تتلے عالی کے رہائشی  42 سالہ رفاقت نے مجو چک گائوں میں تندور لگایا‘ جس کیلئے کاریگر غلام عباس اور مصطفی کو نواحی گاؤں دیپے پور سے لے کر موٹر سائیکل پر مجوچک جا رہا تھا کہ مجوچک کے پاس پیچھے سے آنے والی بس نے تیز رفتاری کے باعث تینوں کو ٹکر مار دی۔