اسلام آباد: غیر ملکی خاتون سے مبینہ زیادتی کے کیس میں اہم پیش رفت ہوئی ہے۔
تفصیلات کے مطابق وفاقی دارالحکومت کے تھانہ آبپارہ کی حدود سے خاتون کے مبینہ طور پر زیادتی کے بعد ملنے کے واقعے کی تفتیش کے لیے ایس ایس پی آپریشنز کی سربراہی میں خصوصی کمیٹی تشکیل دے دی گئی ہے۔ذرائع کا کہنا ہے کہ متاثرہ خاتون تاحال بیان دینے سے انکاری ہے. خاتون نے ابتدا میں اپنا تعلق بیلجیئم کا بتایا تھا. لیکن سفارتخانے نے خاتون کی شہریت کی تصدیق سے انکار کر دیا تھا۔ذرائع کا کہنا ہے کہ خاتون کی ٹریول ہسٹری بھی معلوم نہیں ہو سکی اس لیے اب نادرا سے بائیو میٹرک کے ذریعے ڈیٹا چیک کرانے کا فیصلہ کیا گیا ہے۔
دوسری جانب گرفتار شخص کا کہنا ہے کہ چند روز قبل بارش میں خاتون گھر پر آئی تھی.خاتون کو کپڑے دئے پھر ویمن پولیس اسٹیشن چھوڑ آیا تھا. پولیس نے خاتون کو لاوارث ہونے پر ایدھی ہوم منتقل کر دیا۔
