سڈنی (اے پی پی) آسٹریلیا اور ویسٹ انڈیز کے درمیان فیصلہ کن ٹیسٹ میچ (کل) بدھ سے پرتھ میں شروع ہو گا۔آسٹریلیا کو 3 ٹیسٹ میچوں کی سیریز میں ویسٹ انڈیز کے خلاف 1-0 کی برتری حاصل ہے، جبکہ دونوں ٹیموں کے درمیان دوسرا کرکٹ ٹیسٹ ہار جیت کے فیصلے کے بغیر ہی ختم ہو گیا تھا۔دونوں ٹیموں کے درمیان تیسرے اور آخری ٹیسٹ میچ میں انتہائی سخت اور کانٹے دار مقابلے کی تو قع کی جا رہی ہے۔ویسٹ انڈیز ٹیم کے کپتان کرس گیل نے کہا ہے وہ آسٹریلیا کو تیسرے میچ میں شکست دے کر سیریز 1-1 سے برابر کریں گے۔کرس گیل نے گزشتہ روز میڈیا سے بات چیت کرتے ہوئے کہا کہ ان کی ٹیم میزبان حریف کو آخری میچ میں شکست دے کر سیریز 1-1 سے برابر کرے گی۔انہوں نے کہا کہ آسٹریلیا کے خلاف ون ڈے سیریز سے قبل ان کی ٹیم کواعتماد بحال کرنے کیلئے کامیابی کی ضرورت ہے۔