موڑ کھنڈا اور شیخوپورہ میں مبینہ پولیس مقابلے‘ دو بھائیوں سمیت چھ ڈاکو ہلاک

موڑکھنڈا + ننکانہ صاحب + مانگٹانوالہ (نامہ نگاران + نامہ نگار خصوصی) موڑ کھنڈا میں مبینہ پولیس مقابلے مےں 2 بھائیوں سمیت 4 ڈاکو ہلاک ہوگئے جبکہ انکے 2 ساتھی فرار ہوگئے جبکہ شیخوپورہ میں بھی مبینہ پولیس مقابلے کے دوران 2 ڈاکو مارے گئے جبکہ ایک اہلکار زخمی ہوگیا۔ بتاےا جاتا ہے گزشتہ شب جڑانوالہ روڈ پر گشتی پولیس پارٹی کو اطلاع ملی بائی پاس پیپل والا کے قریب ڈاکو ناکہ لگا کر مسافروں کو لوٹ رہے ہےں جس پر پولیس کی نفری موقع پر پہنچ گئی اور ڈاکوﺅں کو گھےرے مےں لے لیا اور فائرنگ کا تبادلہ شروع ہوگیا جو آدھے گھنٹے تک جاری رہا جس کے دوران 4 ڈاکو مارے گئے۔ پولیس کے مطابق چاروں ڈاکوﺅںکے وارث نذیر احمد سے رابطہ ہوگیا ہے اور اس نے بتاےا ہے ان میں سے 2 بھائیوں کے نام محمد صادق اور اللہ دتہ ہے اور ان کا تعلق اوکاڑہ سے ےہ لوگ آپس مےں قریبی رشتہ دار ہےں۔ پولیس نے ان سے اسلحہ اور لوٹا مال بھی برآمد کرلیا ہے۔ ہلاک ہونے والے ڈاکوﺅں مظہر ولد نذیر، صادق، اللہ دتہ ولد شہاب دین کا تعلق ضلع اوکاڑہ اور منیر احمد عرف ارشد ولد انور کا تعلق اڈہ کھڈیاں ضلع قصور سے ہے جبکہ دو ڈاکو رات کی تاریکی کا فائدہ اٹھاتے ہوئے فرار ہونے میں کامیاب ہو گئے۔ پولیس نے فرار ہونے والے ڈاکوﺅں کے خلاف مقدمات درج کرلئے ہیں۔ ملزمان اور انکے ساتھی ضلع ننکانہ کے علاوہ دیگر اضلاع میں بیسیوں مقدمات میں مطلوب تھے۔ تھانہ صدر کے علاقہ مرزا ورکاں روڈ پر مبینہ پولیس مقابلہ میں دو ڈاکو ہلاک جبکہ ایک پولیس کانسٹیبل شدید زخمی ہوگیا جبکہ ایک ڈاکو فرار ہونے میں کامیاب بتایا گیا ہے کہ مرزاورکا ں روڈ پر تین ڈاکوﺅں نے ایک موٹرسائیکل سوار کو رکنے کا اشارہ کیا اسکے نہ رکنے پر انہوں نے فائرنگ کردی جس نے پولیس کو اطلاع پولیس جب وہاںپہنچی تو ڈاکوﺅں نے فائرنگ شروع کردی جوابی فائرنگ سے دو ڈاکو مارے گئے اور ایک فرار ہوگیا ڈاکوﺅں کی فائرنگ سے کانسٹیبل تنویر شدید زخمی ہوگیا۔
مقابلہ / ڈاکو ہلاک