کراچی (آن لائن) سندھ ہائیکورٹ نے بلاول بھٹو زرداری کی سکیورٹی سے متعلق درخواست پر وفاق ، سندھ حکومت سے وی آئی پی شخصیات کی سکیورٹی پالیسی طلب کرلی۔ سندھ ہائیکورٹ میں بلاول بھٹو زرداری کی سکیورٹی سے متعلق درخواست کی سماعت ہوئی۔ عدالت نے وفاق ، سندھ حکومت سے وی آئی پی شخصیات کی سکیورٹی پالیسی طلب کرلی اور وفاق کو 13 جنوری تک جواب جمع کرانے کا حکم دے دیا۔ بلاول بھٹو کی درخواست میں موقف اختیار کیا گیا سکیورٹی اداروں کی رپورٹس کے مطابق میری جان کو خطرہ ہے۔ بْلٹ پروف، سیاہ شیشوں والی گاڑی بھی استعمال کرنے کی اجازت دی جائے۔