بلاول پر انگلی اٹھانے سے پہلے اپنا جائزہ لیں : قمر کائرہ

لاہور( این این آئی) پیپلز پارٹی پنجاب کے صدر قمر زمان کائرہ نے کہا ہے رانا تنویر حسین بلاول بھٹو پر انگلیاں اٹھانے سے پہلے اپنا جائزہ لیں ، وہ خود جب سیاست میں آئے تھے تو کہاں سے چلے تھے اور اب کہاں آگئے ہیں ۔ رانا تنویر کے بیان پر رد عمل کا اظہار کرتے ہوئے انہوں نے کہا ہمارے پاس بھی سب کی داستانیں موجود ہیں۔ن لیگ کے اپنے رہنما خود کرپشن میں ملوث ہیں۔ یہ ہمارے منہ نہ کھلوائیں ورنہ بات بہت دور تک جائے گی ۔