پرتھ (سپورٹس ڈیسک ) انگلینڈ نے آسٹریلیا کیخلاف پرتھ ٹیسٹ کے پہلے روز 4 وکٹوں 305 رنز بنالئے ۔ 26 کے مجموعے پر الیسٹر کک آوٹ ہوگئے،89 کے سکور پر جیمز ونس بھی چلتے بنے ،کپتان جوروٹ کی اننگز بھی صرف 20 رنز پر تمام ہوگئی۔انگلینڈ کا سکور 131 رنز ہوا تو سٹون مین بھی 56 رنز بنا کر آوٹ ہوگئے، ڈیوڈمیلان اور جونی بیرسٹو نے سکور چار وکٹ پر 305 تک پہنچا دیا۔ڈیوڈ میلان 110 اور بئیر سٹو 75 رنزبنا کر ناٹ آوٹ رہے ،آسٹریلیا کے مچل سٹارک نے دو کھلاڑیوں کو آوٹ کیا۔