پریس کلب مصطفی آباد کے انتخابات عمران سلفی صدر‘ سہیل قمر سندھو 27ویں بارجنرل سیکرٹری منتخب

مصطفی آباد/للیانی(نامہ نگار) پریس کلب مصطفی آباد انتخابات میں محمد عمران سلفی 12ویں بارصدر پریس کلب ، سہیل قمر سندھو 27ویں بارجزل سیکرٹری منتخب۔ تفصیلات کے مطابق پرپس کلب مصطفی آباد للیانی کی جنرل باڈی کی 12سیٹوں کے لیے انتخابات کا انعقاد کیا گیا۔مدمقابل امیدوار سامنے نہ آنے کی وجہ سے تمام امیدوار بلا مقابلہ کامیاب ہو گئے، جس میں عمران سلفی مسلسل 12 ویں بار بلا مقابلہ صدر ، سہیل قمر سندھو مسلسل 27 ویں بار بلا مقابلہ جنرل سیکرٹری ، سرپرست اعلی زبیر احمد بھٹی، بابا طارق مقبول چیئرمین ،سیٹھ حسین سینئر نائب صدر، شاہد عمرنائب صدر ، مہر عبدالقیوم نائب صدر ، مہر مراد علی تبسم ایڈیشنل جنرل سیکرٹری، چوہدری اشتیاق احمد جوائنٹ سیکرٹری ، طاہر میو سینئر وائس چیئرمین،ارشد علی جوئیہ وائس چیئرمین، حافظ  طاہر اقبال فنانس سیکرٹری، ناصر سندھو سیکرٹری نشرو اشاعت اور ملک اصغر علی کا بطور آفس سیکرٹری انتخاب کیا گیا،جبکہ سنیئر و بزرگ صحافی ملک اقبال کو چیئرمین سپریم کونسل منتخب کیا گیا ۔ اس موقع پر ڈاکٹر اصغر علی شہزاد ، زرار علی خاں ، اکمل کھوکھر ، ڈاکٹر اسلم انصاری، جمشید رشید میو، جمیل سندھو ،مہر علی مہران ، محمد جمیل، ارشد علی شامی ، حاجی عبدالقادر ، واحد ملک، رانا توقیر احمد ، الیاس ملک ، آصف امین ، مہر علی مہران ، عمر شاہین ودیگر نے نو منتخب عہدیداروں کو مبارکباد دی۔