نئے بلدیاتی نظام س ے کراچی کی ترقی سیاسی یتیموں کو پسند نہیں: قادر پٹیل

اسلام آباد (نمائندہ خصوصی) پاکستان پیپلز پارٹی کے رہنما اور رکن قومی اسمبلی قادر پٹیل نے کہا کہ نئے بلدیاتی نظام سے کراچی ترقی کرے گا جو سیاسی یتیموں کو پسند نہیں ہے۔ کراچی کے شہری دوست اور دشمن کو خوب پہچانتے ہیں۔ بہت محنت کے بعد کراچی کے شہریوں کو دہشتگردوں اور بھتہ خوروں سے نجات ملی ہے۔ قادر پٹیل نے مصطفی کمال، خواجہ اظہار اور حلیم عادل شیخ کی پریس کانفرنسوں پر ردعمل کا اظہار کرتے ہوئے کہا کہ پی ٹی آئی والے موسمی مینڈک ہیں جبکہ مصطفی کمال کراچی کے لئے مسٹر خواہمخواہ ہیں۔