ڈسکہ (نامہ نگار/نمائندہ خصوصی) پولیو ورکر کو تشددکانشانہ بنانے پر دو بھائیوں کے خلاف مقدمہ درج کرلیا گیا۔ گزشتہ روز پولیو ورکر ممتاز بانو نواحی گائوں انوہد پور میں پولیو کے قطرے پلانے کیلئے ساجد کے گھر گئی اس نے دروازے پردستک دی تو ساجد نے باہر آکر پولیو ورکر کو سنگین نتائج کی دھمکیاں دینا شروع کر دیں، اسی دوران اس کا بھائی عابد بھی آگیا دونوں بھائیوں نے مل کر پولیو ورکر کو تشدد کا نشانہ بنا ڈالا پولیس نے ملزمان کو گرفتارکرلیا۔